ಉದ್ದೇಶಿತ ಕಾರ್ಯಸೂಚಿ

1. ಅನಾಥ ಹಾಗೂ ಪರಿತ್ಯಕ್ತ ಗೋವುಗಳಿಗೆ ಆಶ್ರಯ

2.ಕಟುಕರಿಂದ ರಕ್ಷಿಸಲ್ಪಟ್ಟ ಗೋವುಗಳ ಶುಶ್ರೂಶೆ ಮತ್ತು ಪಾಲನೆ ಗೋವುಗಳಿಗೆ ಆಶ್ರಯ

3. ಅನಾಥ ಹಾಗೂ ಪರಿತ್ಯಕ್ತ ಗೋವುಗಳಿಗೆ ಆಶ್ರಯಕೃಷಿ ಮತ್ತು ಔಷಧಿಗಳಿಗೆ ಪೂರಕವಾದ ಶುಧ್ಧ ಗವ್ಯೋತ್ಪನ್ನಗಳ ತಯಾರಿ ಮತ್ತು ತರಬೇತಿ

4. ಗೋವು , ಭಾರತೀಯ ಸಂಸ್ಕೃತಿ , ಧಾರ್ಮಿಕ ಜಾಗೃತಿ ಗೋಮಾಳ ಮತ್ತು ಪರಿಸರ ಸಂರಕ್ಷಣೆ ಕಾರ್ಯಕ್ರಮಗಳ ಆಯೋಜನೆ

ನಮ್ಮ ಬಗ್ಗೆ

ಸುಮಾರು 7 ವರ್ಷದ ಹಿಂದೆ ಗೋಪಾಲಕೃಷ್ಣ ನಾಯರ್ ಎಂಬುವರು ಬೆಳ್ತಂಗಡಿ ತಾಲೂಕಿನಲ್ಲಿ ಜಾಗವೊಂದು ಮಾರಾಟಕಿದ್ದೆ, ಆಸಕ್ತರು ಸಂಪರ್ಕಿಸಿ ಎನ್ನುವ ಜಾಹಿರಾತ್ತನ್ನು ಮಲಯಾಳಂ ಪೇಪರ್ನಲ್ಲಿ ನೋಡುತ್ತಾರೆ. ಅವರು ದೂರದ ಶಬರಿಮಲೆ ಕಡೆಯವರು. ನಂತರ ಅವರು ಬೆಳ್ತಂಗಡಿ ತಾಲೂಕಿನ ಧರ್ಮಸ್ಥಳ ಬಳಿಯ ಕಲೆಂಜ, ಕಾರ್ಯತಡ್ಕ ಎಂಬಲ್ಲಿ ಒಂದು ಕೃಷಿ ಭೂಮಿಯನ್ನು ಖರೀದಿಸುತಾರೆ. ಆ ಖರೀದಿಸಿದ ಭೂಮಿಯ ಸುತ್ತ ಒಂದು ಸಣ್ಣ ನದಿಯಿದ್ದು, ನೀರಿಗೇನು ಕೊರತೆ ಇರಲಿಲ್ಲ. ಆ ಜಾಗ ಒಂದು ಕುಗ್ರಾಮ, ಆದರೆ ಅವರು ಆ ಜಾಗದಲ್ಲಿ ರಬ್ಬರ್ ಕೃಷಿ ಮಾಡುತ್ತಾರೆ... ಭಜನಾ ಮಂದಿರ ಮಾಡುತಾರೆ.ಹಿಂದೂಗಳ ಒಳಿ ತಿಗಾಗಿ ಒಂದು ಧಾರ್ಮಿಕ ಗುಂಪ್ಪನ್ನು ರಚಿಸಲು ಮುಂದಾಗುತ್ತಾರೆ. ಆಗ ಅವರು ಭೇಟಿ ಆದದ್ದು ಭಾಸ್ಕರ ಧರ್ಮಸ್ಥಳ ಎಂಬುವವರನ್ನು.ಅವರು ಹಿಂದೂ ಸಂಘಟನೆಯಲ್ಲಿ ತೊಡಗಿದ್ದು, ಬಹಳಷ್ಟು ಕಾರ್ಯದಲ್ಲಿ ತೊಡಗಿಕೊಂಡಿದ್ದರು ಮತ್ತು ಸಂಘ ಪರಿವಾರದ ಒಂದು ಜವಾಬ್ದಾರಿ ಸ್ಥಾನದಲ್ಲಿ ಇರುವವರು. ಅವರಿಗೆ ಬೆಂಬಲ ಕೊಟ್ಟವರು ಆಗಿನ ಪುತ್ತೂರು ಜಿಲ್ಲಾ ಕಾರ್ಯದರ್ಶಿ ಆದ ರಾಧಾಕೃಷ್ಣ ಭಟ್ ಅವರು. ರಾಧಾಕೃಷ್ಣ ಭಟ್ ಮತ್ತು ಗೋಪಾಲಕೃಷ್ಣ ನಾಯರ್ ಬೆಳ್ತಂಗಡಿಯ ಗಣ್ಯರ ಮನೆಗೆ ಹೋಗುತ್ತಿದ್ದರು ಮತ್ತು ಗಣ್ಯರನ್ನು ಮಾತನಾಡಿಸುತ್ತಿದ್ದರು ಮತ್ತು ಬೆಳ್ತಂಗಡಿ ತಾಲೂಕಿನಲ್ಲಿ ಈಗಿನ ಅವಶ್ಯಕತೆ ಏನು ಇದೆ ಎಂದು ಚರ್ಚಿಸುತಿದ್ದರು. ಹಾಗೆಯೇ ಹಲವು ಗಣ್ಯರನ್ನು ಭೇಟಿ ಆಗಿ ಚರ್ಚಿಸಿ ಒಂದು ದಿನ ಸಭೆಯೊಂದನ್ನು ಕರೆಯುತ್ತಾರೆ. ಆ ಸಭೆಗೆ ತಾವು ಭೇಟಿ ಮಾಡಿದ ಗಣ್ಯರು ಮತ್ತು ಯಾರೆಲ್ಲ ಸಮಾಜಮುಖಿ ಕಾರ್ಯಕ್ರಮ ಮಾಡಬಹುದು ಎಂದು ನಿರ್ಧರಿಸಿ ಅವರನ್ನ ಆ ಸಭೆಗೆ ಕರೆಯುತ್ತಾರೆ. ನಾನು ಕಷ್ಟ ಪಟ್ಟು ಖರೀದಿಸಿದ ಈ ಭೂಮಿಯನ್ನು ಹಿಂದೂ ಸಮಾಜದ ಒಳಿತಿಗಾಗಿ ದಾನ ಮಾಡುತ್ತೇನೆ, ಮತ್ತು ಇದರ ಸದ್ದುದೇಶಕ್ಕಾಗಿ ಒಂದು ಟ್ರಸ್ಟ್ಅನ್ನು ರಚಿಸಬೇಕು ಎಂದು ಹೇಳುತ್ತಾರೆ. ಈ ಟ್ರಸ್ಟ್ ಮುಂದಿನ ಆಗು ಹೋಗುಗಳನ್ನು, ಧಾರ್ಮಿಕ ಮತ್ತು ಸಾಮಾಜಿಕ ಚಟುವಟಿಕೆಯನ್ನು ನಡೆಸಬೇಕು ಇದು ನನ್ನ ಇಚ್ಛೆ ಎಂದು ಹೇಳುತ್ತಾರೆ. ಕೆಲವು ಸದಸ್ಯರನ್ನು ಸೇರಿಸಿ ಒಂದು ಟ್ರಸ್ಟ್ ರಚನೆ ಮಾಡುತ್ತಾರೆ. ಆರಂಭದಲ್ಲಿ ಕೆಲವು ಸಣ್ಣ ಪುಟ್ಟ ಚಟುವಟಿಕೆ ಮಾಡುತ್ತಾರೆ, ಉಧಾಹರಣೆ ವಾಲಿಬಾಲ್, ಕ್ರಿಕೆಟ್, ಬಡವರಿಗೆ ಸಹಾಯದಾನ, ಮೆಡಿಕಲ್ ಕ್ಯಾಂಪ್ ಈ ತರಹದ ಕಾರ್ಯವನ್ನು ಈ ಟ್ರಸ್ಟ್ ನಡೆಸಿಕೊಂಡು ಬರುತ್ತದೆ. ಗೋಪಾಲಕೃಷ್ಣ ನಾಯರ್ ಸೂಚನೆ ಮೇರೆಗೆ ಈ ಟ್ರಸ್ಟಿನ ಅಧ್ಯಕ್ಷರಾಗಲು ಡಾಕ್ಟರ್ ಎಂ. ಎಂ. ದಯಾಕರ್ ಅವರನ್ನು ಮಾಡಲಾಯಿತು.ಕಾರ್ಯದರ್ಶಿ ಆಗಿ ರಾಧಾಕೃಷ್ಣ ಭಟ್ ಅವರನ್ನು ಮಾಡಲಾಯಿತು. ಆದರೆ ಒಂದು ದಿನ ರಾಧಾಕೃಷ್ಣ ಭಟ್ ಅವರು ಉತ್ತರಭಾರತಕ್ಕೆ ತೀರ್ಥಯಾತ್ರೆ ಹೋದವರು ಬರಲ್ಲೇ ಇಲ್ಲ. ಹಾಗಾಗಿ ನಮ್ಮ ಟ್ರಸ್ಟಿನ ಕಾರ್ಯ ಚಟುವಟಿಕೆ ಸ್ವಲ್ಪ ನಿಧಾನವಾಯಿತು. ಹಾಗಾಗಿ ಮುಂದೆ ಟ್ರಸ್ಟ್ಅನ್ನು ಪುನರ್ ರಚಿಸಿ ಕೆಲವು ಸದಸ್ಯರನ್ನು ಸೇರಿಸಲಾಯಿತು. ನೂತನ ಸಮಿತಿಯಲ್ಲಿ ಶ್ರೀ ಸುಬ್ರಮಣ್ಯ ಕುಮಾರ್ ಆಗರ್ತ ಅವರು ಕಾರ್ಯದಶಿ ಆಗಿ ನೇಮಕಗೊಂಡರು.ನಾವು ಗಮನಿಸಿದ ಸಮಸ್ಯೆ ಏನೆಂದ್ದರೆ, ಮಾರ್ಗದಲ್ಲಿ ಬಿಡಾಡಿ ದನಗಲ್ಲಿದ್ದವು, ಪೊಲೀಸ್ ವಶಪಡಿಸಿಕೊಂಡ ಗೋವುಗಳನ್ನ ಸಾಕಲು ಸರಿಯಾದ ವ್ಯವಸ್ಥೆ ಇರಲಿಲ್ಲ. ಆ ನಾವು ಸಭೆ ಸೇರಿ ಗೋವುಗಳ ರಕ್ಷಣೆ ಮತ್ತು ಪಾಲನೆಗಾಗಿ ಒಂದು ಗೋಶಾಲೆ ಮಾಡಬೇಕು ಎಂದು ನಿರ್ಧಾರ ಮಾಡಲಾಯಿತು ಮತ್ತು ಆ ಜಾಗದಲ್ಲಿ ನಂದಗೋಕುಲ ಗೋಶಾಲೆಯೊಂದು ಪ್ರಾರಂಭವಾಯಿತು. ಪ್ರಾರಂಭದಲ್ಲಿ ಕೆಲವೇ ಸಂಖ್ಯೆಯಲ್ಲಿ ಗೋವುಗಳಿದ್ದವು.ನಂತರ ಜನಗಳು ಗಂಡು ಕರುಗಳು ಹುಟ್ಟಿದ ಕೂಡಲೇ ಗೋಶಾಲೆಗೆ ಕೊಡುತ್ತೇವೆ ಎಂದು ಒತ್ತಾಯ ಮಾಡಲಾರಂಭಿಸಿದರು, ಪೊಲೀಸ್ ಅವರು ಕಳ್ಳ ಸಾಗಾಟನೆಯ್ಯಲ್ಲಿ ವಶಪಡಿಸಿಕೊಂಡ ಗೋವುಗಳನ್ನು ನಮ್ಮ ಗೋಶಾಲೆಗೆ ತಂದು ಬೀಡುತ್ತೇವೆ ಎನ್ನುತ್ತಿದ್ದರು. ಹಾಗಾಗಿ ನಮ್ಮ ಗೋಶಾಲೆಯಲ್ಲಿ ಗೋವುಗಳ ಸಂಖ್ಯೆ ಹೆಚ್ಚುತ್ತಾ ಹೋಯ್ತು. ಈವಾಗ 2022ರಲ್ಲಿ ನಮ್ಮ ಗೋಶಾಲೆಯಲ್ಲಿ 200ಕ್ಕೂ ಹೆಚ್ಚು ಗೋವುಗಳು ನಮ್ಮಲ್ಲಿವೆ. ಈ ಗೋಶಾಲೆಗೆ ನಮ್ಮ ನೆಚ್ಚಿನ ಸಂಸದಾರದ ನಳಿನ್ ಕುಮಾರ್ ಕಟೀಲ್ ಮತ್ತು ನಮ್ಮ ಬೆಳ್ತಂಗಡಿ ಜನಪ್ರಿಯ ಶಾಸಕರಾದ ಹರೀಶ್ ಪೂಂಜಾ ಅವರು ಭೇಟಿ ನೀಡಿ ಮೆಚ್ಚುಗೆ ಸೂಚಿಸಿದ್ದಾರೆ. ಅದು ಅಲ್ಲದೆ ವಿಧಾನ ಪರಿಷತ್ ಸದಸ್ಯರಾದ ಪ್ರತಾಪ್ ಸಿಂಹ ನಾಯಕ್ ಅವರು ಹಲವಾರು ಬಾರಿ ಭೇಟಿ ಕೊಟ್ಟಿದಾರೆ ಉಧಾಹರಣೆ ರೋಟರಿ ಕ್ಲಬ್ ಅವರ ಜೊತೆ, ಬದುಕು ಕಟ್ಟೋಣ ಬನ್ನಿ ಅವರ ಜೊತೆ ಸ್ವಾತಂತ್ರೋತ್ಸವದ ದಿನ, ಉತ್ತರ ಭಾರತ ವಿಷ್ಣು ಸಮಾಜದ ಬಾಂಧವರೊಂದಿಗೆ ಹೀಗೆ ಭೇಟಿ ಕೊಟ್ಟು, ಮೆಚ್ಚುಗೆ ಸೂಚಿಸಿ ಶುಭ ಹಾರೈಸಿದ್ದಾರೆ.